東寶小館

食市名稱: 東寶小館
地點: 北角渣華道街市頂樓
時間: 07年6月23日晚上7時
人物: 共4位朋友
價錢: 是次每人消費120蚊 共600蚊正
評分: 88分
評語: 一定要試 (不值一試/可以一試/一定要試)

今次係我第3次黎東寶小館
每一次都有特別既驚喜
而呢間小菜係行內一向都好出名 每晚都會爆

今晚一行5人7點3黎到 已經爆曬 冇訂位 個伙計話要等9個字
大約30分鐘倒就有位俾我地 都算快
是次點左6餸1湯
豬腸大蜆湯: 超夠味 有點辣 蜆夠大隻 香味十足 一定要試 極力推介
椒鹽九肚魚: 夠脆夠軟~
墨汁鮮魷魚: 魷魚好鮮甜 不過會食到成咀都墨汁
金蘇炸蠔: 好大隻 多汁 鍾意食蠔既不妨一試
咸魚蒸肉餅: 入味到爆 我好鐘意呢個
腐乳通菜: 好多腐乳呀 正~
鴨汁荷葉飯: 夠香 多汁 一定要試 極力推介
加埋超凍啤酒就岩岩好!!
佢d啤酒係用雪凍左既碗黎裝 另有一番味道
此外服務都唔差 其中一個waiter好攪笑 同我地講左個笑話
全部人都好熱情
同埋真係好似成個街市咁 超爆嘈!
大家有時間既真係要去試下!

Qui Ristorante Italiano

今日中午約左個客係葵涌既1間意大利餐廳度食飯
係葵涌歌劇院入面
環境一般 佢仲有露天茶座 不過見客就緊係坐入面
我地4個人叫左4個set lunch 加 1個鵝肝
我自己就叫左牛柳扒set 8成熟
有面包
有前菜沙律 或 湯<-- 我揀湯 味道ok 不太濃或淡
主菜牛柳扒好味 因我唔鐘意食太生既肉 所以岩岩好
而且d汁都幾岩我胃口
鵝肝十分好味 不過4個人分 每人試得少少咋
甜品係意式奶凍 好細滑 味道香濃~ 正正正
總括係呢間餐廳都可以一試 78分
平均每人消費120蚊

今日仲俾我得知咩做"走地豬" 呵呵呵
叫佢做"走地豬"先 ^.>

元綠今期d新壽司好難食

琴晚同老婆去旺角食dinner
因為我話好耐冇食過sushi
所以就去搵壽司食啦

行左去板前 爆人
去嘉樂個間板前 又爆人

咁唯有去元綠度食 (少好多人)
(冇人排隊 + 我十分肚餓)
今期元綠有個新既大根餃子
炸左既大根皮包住d餃子餡 味道一般 我都係鐘意食用餃子皮包既餃子
之前仲點左一個咩櫻花大蝦卷 難食到嘔
佢個外層都唔知係咩黎 一點點pink既粒粒 少少甜 好唔match兼難食
我老婆淨係咬左個蝦就算 (蝦都唔新鮮)
(仲見倒隔離台既人又點左呢個 佢地同我地人樣 淨食蝦 哈哈 可想而知有幾難食)
最抵食係手卷only
買一送一
食左2個 軟腳蟹手卷
仲叫左個豬扒鍋 (變細左)
埋單都170
咁既quality同services 下次唔再去!!!

食完之後行左一陣
去埋石磨坊 食最鐘意鮮果紅豆粉圓
未食過既朋友我推薦你去食!!
一定要食
好多鮮果 紅豆 刨冰 仲有粉圓
呢個甜品得夏天有得食架咋...因為冬天冇粉圓.... =.=""

之後送人回家啦
又漫長既獨自歸家

彩雲軒

今日係第3日放假
但我都番左去同d同事食飯 仲要我係請tim
事源於上星期 我剛剛過左proation 又咁岩大家講緊去食飯
我就話不如請大家去飲茶啦
d同事即刻話好 =.=""
老細仲話岩曬 你住咁近 放假都可以照樣番黎同佢地食 真係吹bb

下午到左太古坊既一間酒家
名叫 彩雲軒 係好彩集團旗下既酒樓
之前都黎過2次架啦
其中1次係同個partner黎飲茶 (中午食龍蝦個隻宴會 -. -"")
上2次俾我既印象都唔差
地方好乾淨 服務都幾好
今次都係 我地先黎叫左十幾個點心
最正係d餃類 隻隻"蒸仍通透" 好好味
叉燒飽既餡又新鮮 冇得頂
之後再炒多個麵
埋單加埋都係4百蚊倒
5個人唔算貴啦

食完 我就去左自修室溫書 準備sat sun既考試
自修室冇咩特別 只係我有好多年冇黎過
大概都10年lu 一d都冇變
(今日既自修室full house!! 好難搵位)

午飯 – 醉紅樓

又dayback番6月6日中午
(成日都dayback 我好似唔岩寫blog =.= 冇乜時間寫 大多數後補 哈哈)
昨日到而家都冇打過電話俾女朋友
好想打 但又谷住條氣 個人有點炆
點都好 hold住先 因為都忙緊
中午又約左個客食飯
今次去左九龍灣新開既mega box 入面間醉紅樓 專食潮州野

mega box 第一次去 幾特別 睇介紹講過佢係一棟直立式商場
意思即係話佢係一個企直左既長方柱體, 唔似大型商場四四方方4-5層咁
佢有十幾層 每層得少少地方 而係向上發展
有15層倒
最高3層係食市酒樓
11,12 係IMAX 4D電影院
下面係商場 大部份商戶都係佢地獨家的
有大型家具店 BnQ 百安居
歐美大型窗布床單店
日本大型電器店 The Best
仲有其他…唔記得左…@.@”

講番食
個客訂左位 (又係靚位 一訂即有 =.= 同琴日一樣 有錢人就是不同)
潮州菜 小弟就好少食 最多都係打冷 就算係都唔多食 因為怕內臟果d
不過呢個客好好相遇 係潮州人 見過3次
次次都讚我 =.= (又話型 又話大隻 吹曬水)
佢好鐘意茶 又客氣 次次請飲茶 又送野俾我同老細…
言歸正轉
頭盤佢點左 鴨頭鴨頸 咩內臟腸粥 (oh my god…)
終於知咩叫應酬 佢仲好主動咁夾俾我 T.T
我真係好俾面咁食個鴨頭落肚 叫曬救命 (見倒個鴨咀都反胃 而家諗起都想嘔)
好彩之後佢都叫左d正常既野食
有沙爹炒河, 炸鱔球, 鹽酥豆腐, 反沙芋 同埋黃金3角 (唔記得左個名 形狀係金黃色既3角)
沙爹炒河水準極高, 並非一般茶餐廳貨色, 幼細而滑白既河粉 加上極濃的沙爹醬汁 充分表現潮州菜那種味道濃烈的感覺
炸鱔球手藝非凡,金黃的外表包著濃香白肉, 不但無骨, 而且肉汁隨口中蕩漾, 美妙極了!
鹽酥豆腐, 酥脆既外皮包含了細滑的豆腐, 再點一下秘制的辣醬, 配合完美極了
還有服務員中途不停為大家送上剛泡好的工夫茶 濃而不苦 可將肥膩的的餸菜減下一點油脂 服務十分好
(我的客人更不斷細說茶的歷史以及傳統故事)
反沙芋 – 甜品中的極品 (只要製作時間也要30分鐘) 最講究時間控制和火候 甚考師傅功架 這裏做得不俗 外表香脆 內裏口感如絲 我俾10個好味
最後係黃金3角 煎堆既表加花生糖的內容 都算不俗
食飽 再吹水一陣 就陪客人行左一轉MEGA BOX.

總括: 必食 反沙芋 同埋 炸鱔球 無得頂!

滿足的午餐 - 正冬火鍋 (春秋火鍋)

dayback番6月5日中午
個日約左個客中午係太子春秋火鍋食午飯 (而家改左名叫”正冬”)
呢個客好攪笑 傻傻地 但好有米 幾千萬幾千萬唔當係錢咁
諗起火鍋 唔通lunch打邊爐? 唔係下化
大熱天時 咪攪我啵

去到個度 見倒已經爆棚 不過客人訂左位
感覺環境不太差 衛生ok
好彩去到只係叫小菜食飯
不過客人都好大方 叫左個唔知幾多人餐
5餸1湯 =_=” (3個人食only)
有螺頭湯 好清甜甘香 d螺頭好好味 好好咬口 一流!
之後黎左個炒菜 一般啦 都係例牌野
跟住呢個勁呀 飽魚炒勝瓜 食完冇野好講 好味到爆
d大飽同細飽都好好口感 勝瓜又好爽 味道香口
再黎左一個魚塊炒西蘭花 魚塊yummy yummy (無骨… :p)
加多個魚香茄子 呢個茄子掂呀 d咪比我地平時食既更香更重魚味 (應該係有d咸魚係入面)
最後係蒸魚 好味 就係咁多 (唔好問我 我唔知咩魚 -.-v)
好明顯 3個人係食唔曬呢度5個餸啦 所以食淨好多 有點浪費!
食完客人埋單

係呢個位 都有好幾個朋友問我 通常會係邊個俾錢既呢
其實都唔難答 主要係睇邊個求緊邊個咁啦
如果我地問客人拎生意 通常都我地俾
相反客人要求加額加line 等等都係佢地請
以而家市況多數係後者…

及後去左深去保睇客人個地鋪 冇咩特別 係熱左d 成個人出曬汗 濕曬就番公司lu

日本康龍拉面 (dayback1)

dayback 番星期六下午
等我女朋友收工之後 我地就去左cwb度食lunch
之前我係openrice搵左一間食日本拉面既餐廳
而個間餐廳 我地之前都係日本試過
諗住係hk試多次個種味道 佢就係<<康龍拉面>>
一間可以俾你任意選擇面的彈性, 湯既濃度, 辣味等等 自由配合
我喜歡 彈牙的面, 濃濃的湯, 中辣既味道
加埋一隻半熟既蛋就perfect啦
令外我仲叫左一碟我最鐘意既餃子, 皮簿多餡 正!!!
以lunch埋單計$170 2個面一個餃子 確是貴了點

之後去左我地成日去既世貿namco
個度我成日俾人badlist架 俾個度有個員工成日望住我架 (不過而家好少見倒佢lu 可能俾人炒左呱)
事關我夾得佢地太多公仔啦
由最初到而家 加加埋埋 過百隻
真係數都數唔曬 (交學費都唔少野 :p)
自上星期夾左2隻我最love既keroro
今次又夾左一個tamama的key holder...一個唔該俾我既老婆豬豬搶左 仲收埋落佢個袋~
oh my god...
好彩我自己個keroro je...hoho

時間差唔多 我地book左6點半睇魔盜王
gogogo~
去太古城出發~