Qui Ristorante Italiano

今日中午約左個客係葵涌既1間意大利餐廳度食飯
係葵涌歌劇院入面
環境一般 佢仲有露天茶座 不過見客就緊係坐入面
我地4個人叫左4個set lunch 加 1個鵝肝
我自己就叫左牛柳扒set 8成熟
有面包
有前菜沙律 或 湯<-- 我揀湯 味道ok 不太濃或淡
主菜牛柳扒好味 因我唔鐘意食太生既肉 所以岩岩好
而且d汁都幾岩我胃口
鵝肝十分好味 不過4個人分 每人試得少少咋
甜品係意式奶凍 好細滑 味道香濃~ 正正正
總括係呢間餐廳都可以一試 78分
平均每人消費120蚊

今日仲俾我得知咩做"走地豬" 呵呵呵
叫佢做"走地豬"先 ^.>

小巴司機

我經常都會搭小巴
原因有幾第一係我要送人番屋企
去程同回程有時都會搭小巴
遇著過左時間冇得搭mtr同kcr就更加要搭
第二就係jc放工既時候都會揀搭小巴 一來近 二來快

但小巴都有好有唔好
有時真係開得太快
我試過上水去銅鑼灣都係30mins
沙田去則漁涌都只係40mins
快到個計時器試過 過左"120"
轉灣成個拋起 好危險
另一樣就係等客
最憎d司機等客 明明只掙一個就full
死都唔開車 係要等滿先開 話唔定前面有客呢

今日搭小巴真係想x個司機
平時明明15mins番到樓下
今日足足用左30mins以上
佢條pk係sogo門口等客
前面已經有3架車係度都仲要等埋一份
等曬3架車走都20mins啦
等完仲要有車排係我架車前面 fuck佢丫
我即大聲同個司機講: 你開得車未呀? 等左好耐都唔開車 我趕時間架
佢跟住講番 你唔好理我 我自有分數
我又嘈番佢 前面咁多車排緊 唔係辦法喎
..
...
....下刪...

唉..總之好火啦.......搭小巴其實都有策略..揀車心得..有機會再講!!
今日遇著我賤司機 黑仔啦

元綠今期d新壽司好難食

琴晚同老婆去旺角食dinner
因為我話好耐冇食過sushi
所以就去搵壽司食啦

行左去板前 爆人
去嘉樂個間板前 又爆人

咁唯有去元綠度食 (少好多人)
(冇人排隊 + 我十分肚餓)
今期元綠有個新既大根餃子
炸左既大根皮包住d餃子餡 味道一般 我都係鐘意食用餃子皮包既餃子
之前仲點左一個咩櫻花大蝦卷 難食到嘔
佢個外層都唔知係咩黎 一點點pink既粒粒 少少甜 好唔match兼難食
我老婆淨係咬左個蝦就算 (蝦都唔新鮮)
(仲見倒隔離台既人又點左呢個 佢地同我地人樣 淨食蝦 哈哈 可想而知有幾難食)
最抵食係手卷only
買一送一
食左2個 軟腳蟹手卷
仲叫左個豬扒鍋 (變細左)
埋單都170
咁既quality同services 下次唔再去!!!

食完之後行左一陣
去埋石磨坊 食最鐘意鮮果紅豆粉圓
未食過既朋友我推薦你去食!!
一定要食
好多鮮果 紅豆 刨冰 仲有粉圓
呢個甜品得夏天有得食架咋...因為冬天冇粉圓.... =.=""

之後送人回家啦
又漫長既獨自歸家

假後既第一日

好忙....n留言個電話
打番曬俾d客
有多野跟啵
又有新野黎~
原來放假都唔係咁好玩

不過問題係我冇去玩
嗚嗚嗚~~...

話說琴日既paper4考試
好難....好驚唔pass